1С:Предприятие 8.3. Сервер МИНИ

Бұл өнім — «1С:Предприятие» режимінде ең көбі бес пайдаланушы сеансын және «Конфигуратор» режимінде тағы бір сеансты іске қосуға мүмкіндік беретін «1С:Предприятие 8.3» сервері (барлығы алты қосылым, олардың әрқайсысына клиенттік лицензия қажет). Бұл ретте серверлер кластерінде бір жұмыс серверінен артық болмауы тиіс. 64 биттік «1С:Предприятие 8» серверімен жұмыс істеуге қолдау көрсетіледі.

Өнім шағын ұйымдарға да, филиалдары бар орта және ірі кәсіпорындарға да бағытталған. Ол жергілікті жерлердегі аз санды пайдаланушылардың жұмысын автоматтандыру шығындарын едәуір азайтуға мүмкіндік береді. Осы өнімнің арқасында «1С:Предприятие 8» жүйесінің клиент-серверлік нұсқасы шағын жұмыс топтарын автоматтандыру үшін қолжетімдірек бола түседі және ақпараттық базаны файлдық нұсқада орналастыруға балама бола алады. Өз кезегінде клиент-серверлік архитектура деректерді өңдеу көлемі мен тиімділігін, жүйелердің сенімділігі мен ақауға төзімділігін арттыруға, қолданылатын архитектуралық шешімдер мен технологиялардың ауқымын кеңейтуге мүмкіндік береді.

Бұл өнімді, мысалы, ақауға төзімділіктің жоғары деңгейін қамтамасыз ету қажет кассалық терминалды, сондай-ақ жұмыс орындарының саны бестен аспайтын шағын кеңсені немесе сауда нүктесін автоматтандыру үшін ұсынуға болады.

«1С:Предприятие 8.3. Сервер МИНИ на 5 подключений» өнімі 8.3.4 және одан жоғары нұсқадағы «1С:Предприятие» платформасында жұмыс істейтін ақпараттық базалармен пайдалануға арналған. «1С:Предприятие» серверінің бұл лицензиясын бағдарламалық немесе аппараттық қорғауы бар «1С:Предприятие 8» клиенттік лицензияларымен бірге пайдалануға болады.