Сипаттама
«1С-Рейтинг: Общепит для Казахстана» — түрлі ауқымдағы қоғамдық тамақтану кәсіпорындары мен бөлімшелеріне арналған бухгалтерлік, салықтық және жедел есеп бағдарламасы. Ол «Бухгалтерия для Казахстана» негізінде әзірленген және типтік шешімнің барлық функционалдық мүмкіндігін сақтайды. Бір ақпараттық базада шаруашылық жүргізу түрлері әртүрлі бірнеше кәсіпорынның есебін қатар жүргізуге болады, ал бухгалтерлік және салықтық есеп ҚР қолданыстағы заңнамасына сәйкес жүргізіледі.
Рецептуралар және тағам дайындау
- түрлі рецептуралар тізімі (дайындау, бөлшектеу, жиынтықты бөлу) және кірістіру деңгейі шектелмеген «тағам ішіндегі тағам» схемасы;
- рецептуралар негізінде калькуляциялық карточкалар мен технологиялық карталарды автоматты түрде қалыптастыру, рецептуралар тізімін электрондық анықтамалықтан жүктеу;
- тағам дайындау мен өнімдерді есептен шығаруды «Выпуск продукции» құжатымен ресімдеу; осы құжат арқылы ингредиенттердің жетіспеушілігі туралы есеп алуға болады;
- өнімдерді есептен шығарудың икемді схемалары: өзара алмастырылатын өнімдер (аналогтар), жартылай фабрикаттар, қоймалардағы ингредиенттердің бар-жоғын талдау және оларды ас үй қоймасына ауыстыру;
- дәмдеуіштерді есептен шығарудың арнайы механизмі: олар кезең бойы арнайы регистрде жинақталып, кезең соңында «Списание специй» құжатымен есептен шығарылады, сондықтан есептеу қателігі жинақталмайды;
- бөлшектеу және жиынтықты бөлу операциялары (мысалы, ет ұшасын бөлшектеу);
- өнімдер мен тағамдардың калориясын және энергетикалық құндылығын, суық өңдеу кезіндегі маусымдық ысырапты есепке алу;
- қорларды әртүрлі өлшем бірлігінде есепке алу, бірліктер арасындағы қайта есептеу ережелерін баптау.
Сауда операциялары және жабдық
- «Отчет о розничных продажах» құжаты ауысым бойынша тауарды тиеп жөнелтуді, сатып алушылардан түрлі тәсілмен (қолма-қол ақша, талондар, клубтық және дисконттық карталар) төлем алуды, түсімнің кассаға түсуін, ҚҚС пен акцизді тіркейді;
- бөлшек сату деректерін дайындалған тағам саны бойынша, фронт-офис жүйелерімен және «Off-Line» режиміндегі бақылау-кассалық машиналармен алмасу нәтижесінде немесе түгендеу қорытындысы бойынша енгізу;
- «1С:Ресторан», «1С-Рейтинг: Ресторан», «1С-Рарус: Ресторан + Бар + Кафе», «R-Keeper v6, v7» фронт-офис жүйелерімен алмасу;
- штрихкод сканерлерімен, ТСД-мен және ККМ Offline-мен жұмыс;
- баға түрлері («сатып алу», «бөлшек», «қызметкерлерге арналған баға» және т.б.), түсу бағасын, шығарылатын өнімнің өзіндік құнын және босату бағаларын қалыптастыру.
Бухгалтерлік және салықтық есеп
- ТМҚ-ны орташа өзіндік құн, ФИФО және ЛИФО әдістерімен бағалау, партиялық есеп; қоймалар бойынша сандық немесе сандық-сомалық есеп, орын ауыстыру, түгендеу, кіріске алу және есептен шығару;
- қолма-қол және қолма-қолсыз ақша қаражатының, валюталық операциялардың есебі, төлем тапсырмалары, кіріс және шығыс кассалық ордерлері, белгіленген үлгідегі кассалық кітап;
- контрагенттермен теңгемен және шетел валютасымен есеп айырысу, бағамдық және сомалық айырмаларды автоматты түрде есептеу;
- негізгі құралдар мен материалдық емес активтер: түсу, есепке алу, амортизация, жаңғырту, беру және есептен шығару; үстеме шығыстарды түрлі әдістермен үлестіру;
- жалақы: айлық және сағаттық тарифтік мөлшерлеме, тіркелген сома және пайыз бойынша есептеу, жалақыны «кері» есептеу, орташа жалақы бойынша ауруханалық және демалыс төлемдері; МЗЖ мен ӘА аударуға арналған тізімдерді электрондық түрде қалыптастыру, жалақыны қызметкерлердің карт-шоттарына аудару;
- ҚҚС есебі (бөлек және пропорционалды әдістер) және ҚҚС бойынша салық есептілігі нысандарын толтыру;
- жалпыға бірдей белгіленген салық салу тәртібі, КТС бойынша арнайы салықтық шоттар жоспары, салық тіркелімдері және декларацияға арналған деректер;
- ай соңындағы регламенттік операциялар: амортизация есептеу, өндірістік шоттарды жабу, валютаны қайта бағалау, болашақ кезең шығыстарын есептен шығару, балансты реформациялау және т.б.
Есептер мен есептілік
- қалдықтар, шот айналымдары және өткізбелер бойынша стандартты есептер;
- басқарушылық есептер: «Анализ выпуска продукции», «Технологическая карта», «Калькуляционная карточка», «Калькуляция себестоимости блюд», «Рецептуры по ингредиентам», «Ведомость по товарам», «Отчет по ценам» және т.б.;
- регламенттелген қаржылық, салықтық және статистикалық есептілік; салық есептілігін электрондық түрде тапсыру үшін XML форматында жүктеп шығару.
