Сипаттама
«1С:Бухгалтерия 8 для Казахстана» — «1С:Предприятие 8» технологиялық платформасы мен «Бухгалтерия для Казахстана» конфигурациясынан тұратын бағдарламалық өнім. Ол сауда, қызмет көрсету, өндіріс және басқа да коммерциялық қызметпен айналысатын ұйымдарда бухгалтерлік және салықтық есепті ҚР заңнамасына сәйкес жүргізуге және регламенттелген есептілікті дайындауға арналған. Бағдарлама бухгалтерияның барлық міндетін — бастапқы құжаттарды жазып беруден бастап сату есебіне дейін — шеше алады. Қажет болса, оны тек бухгалтерлік және салықтық есеп үшін қолданып, «Управление торговлей для Казахстана» және «Зарплата и Управление Персоналом для Казахстана» шешімдерімен бірге пайдалануға болады.
Есептің негізгі бөлімдері
- Бірнеше ұйым. Әр ұйымның есебін жеке ақпараттық базада немесе бір ортақ базада (жеке кәсіпкерлерді қоса) жүргізуге болады: тауарлар, контрагенттер, қызметкерлер мен қоймалар тізімдері ортақ болады, ал міндетті есептілік бөлек жасалады.
- Құрылымдық бөлімшелер. Жеке балансқа бөлінбеген бөлімшелер бойынша бухгалтерлік, кадрлық және салықтық есеп, бөлімшелер арасында деректерді беруге арналған «Авизо по прочим операциям» құжаты, үстеме шығыстарды бөлімшелер бойынша бөлу және құжаттарға қол жеткізуді шектеу.
- ТМҚ және қойма. Тауар-материалдық қорларды орташа өзіндік құнмен немесе ФИФО әдісімен бағалау (БЕХС 2 бойынша), сандық немесе сандық-сомалық қойма есебі, түгендеу нәтижесінде артықтар мен кемшіліктерді көрсету.
- Сауда. Тауарлар мен қызметтердің кірісі және сатылуы, төлем шоттары, жүкқұжаттар мен шот-фактуралар, қайтарулар, бірнеше баға түрі (көтерме, ұсақ көтерме, бөлшек, сатып алу).
- Банк және касса. Қолма-қол және қолма-қол емес ақша, валюталық операциялар, төлем тапсырмалары, кассалық кіріс және шығыс ордерлері, белгіленген үлгідегі кассалық кітап; төлемдер аванс пен төлемге автоматты түрде бөлінеді.
- Контрагенттер. Теңгемен, шартты бірлікпен және шетел валютасымен есеп айырысу, бағамдық және сомалық айырмаларды автоматты есептеу, шарт бойынша жеке бағалар.
- Негізгі құралдар мен материалдық емес активтер. Кіріс, есепке алу, амортизация, беру, есептен шығару, түгендеу; маусымдық пайдаланылатын құралдар үшін амортизация кестелері.
- Өндіріс. Негізгі және көмекші өндіріс өнімінің өзіндік құнын есептеу, тапсырыс беруші берген шикізатты қайта өңдеу, жартылай фабрикаттар есебі, жанама шығыстарды шығарылым көлеміне, жоспарлы өзіндік құнға, еңбекақыға, пайызға немесе материалдық шығындарға қарай бөлу.
- Жалақы және кадрлар. Негізгі жұмыс орны мен қоса атқару бойынша персонал қозғалысы, жалақы есептеу, депонирлеу, атқару парақтары, жалақыдан салықтар мен жарналар және тиісті есептілік.
Салықтық есеп
- ҚҚС есебі: жеткізушілерге төленген және есептелген ҚҚС (резидент еместердің қызметтері бойынша да), есепке жатқызылатын салықты бөлек және пропорционалды әдіспен анықтау, 300.00 нысанындағы ҚҚС декларациясын автоматты толтыру;
- КТС (корпоративтік табыс салығы) бойынша есепке арналған арнайы салықтық шоттар жоспары — ол ҚЕХС 12 «Табыс салықтары» талаптарын орындауды жеңілдетеді және ҚР Салық кодексінің 15-тарауына сай келеді; салықтық тіркелімдер мен декларация деректері автоматты түрде қалыптасады;
- уақытша айырмаларды баланстық әдіспен есепке алу (қосымша мүмкіндік), бухгалтерлік және салықтық есеп шоттарының сәйкестігін баптау, салықтық есептің бастапқы қалдықтарын енгізу.
Есептер және сервистік мүмкіндіктер
- айды жабу операциялары: валютаны қайта бағалау, болашақ кезеңдер шығыстарын есептен шығару, қаржылық нәтижені анықтау;
- стандартты есептер: айналым-сальдо ведомосі, шахматтық ведомость, шот карточкасы, субконто талдауы, бас кітап және т.б., оларды икемді баптау мүмкіндігі;
- қаржылық, статистикалық және салықтық регламенттелген есептердің толық жинағы, салықтық нысандарды XML форматында жүктеп шығару;
- «Только просмотр» рөлі, толық мәтіндік іздеу, «1С:Предприятие 7.7» базаларынан деректерді көшіру, «Управление торговлей для Казахстана» конфигурациясымен екі жақты деректер алмасу, валюта бағамдары мен жаңартуларды интернеттен жүктеу;
- бағдарламаны тез меңгеруге арналған «Стартовый помощник», «Панель функций» және «Советы пользователям».
Нұсқалар және Базовая нұсқаның шектеулері
Бағдарлама ПРОФ, Базовая және Учебная (оқу) нұсқаларында шығарылады. Базовая нұсқасы бағдарламамен бір бухгалтер жұмыс істейтін және типтік шешімді бейімдеуді қажет етпейтін шағын кәсіпорындарға арналған. ПРОФ нұсқасымен салыстырғанда онда:
- бір ақпараттық базада бірнеше ұйымның есебі жүргізілмейді (әр ұйымға жеке база ашуға болады);
- конфигурацияны өзгертуге болмайды — тек типтік конфигурация мен оның жаңартулары қолданылады;
- үлестірілген ақпараттық базалармен жұмыс істеу мүмкін емес;
- ЭСФ АЖ-мен тікелей деректер алмасу қарастырылмаған.
Бір базада көпфирмалық есеп жүргізу, пайдаланушылардың қатар жұмыс істеуі немесе басқа да міндеттер туындаса, осы шектеулері жоқ ПРОФ нұсқасына өтуге болады.
