Сипаттама
«1С:Управление торговым предприятием 8 для Казахстана» — сауда кәсіпорнының жедел, басқарушылық, бухгалтерлік және салықтық есебін бір жүйеде жүргізуге арналған кешенді шешім. Ол көтерме, бөлшек және комиссиялық сауданы автоматтандырады, әрі шағын сауда компанияларына да, желілік немесе холдингтік құрылымы бар ұйымдарға да сай келеді.
Сауда қызметін басқару
- Сатуды жоспарлау: сату көлемін заттай және құндық мәнде, босату бағаларын және сатудың өзіндік құнын кәсіпорын, бөлімшелер, тауар топтары және сатып алушылар санаттары бойынша күннен жылға дейінгі кезеңге жоспарлау; жеке жоспарларды жиынтық жоспарға біріктіру, жоспар мен фактіні салыстыру.
- Сатып алушылардың тапсырыстары: қоймадан және тапсырыс бойынша жұмыс, несиеге немесе алдын ала төлеммен сату, комиссиялық сауда; тапсырыстың орындалу барысын, төленуін және контрагенттермен қарым-қатынас тарихын бақылау.
- Баға белгілеу: баға мен жеңілдіктердің түрлі схемалары, қызметкерлердің баға саясатын сақтауын бақылау, бәсекелестер мен жеткізушілердің бағаларын сақтау және салыстыру, сатып алу бағаларын автоматты жаңарту.
- Сатып алуды басқару: сату жоспарлары мен орындалмаған тапсырыстар негізінде сатып алуды жоспарлау, жеткізушілерге тапсырыстар беру және олардың орындалуын бақылау, сатуға қабылдау және тапсырыс берушінің шикізатын алу, жеткізу және төлем кестелерін құру.
- Сатып алушылармен және жеткізушілермен қарым-қатынас: байланыс ақпараты мен өзара әрекеттестік тарихы, алдағы байланыстар туралы еске салу, мәмілелерді жоспарлау, жарнамалық акциялардың тиімділігін талдау, клиенттерді ABC(XYZ)-талдау арқылы сегменттеу.
Бөлшек сауда және сауда жабдығы
Бөлшек сауданы кез келген қоймадан — көтерме, бөлшек қоймадан немесе автоматтандырылмаған сауда нүктесінен жүргізуге болады. Автоматтандырылмаған нүктелердегі тауарлар тіркелген бөлшек бағамен, бөлшек қоймалардағы тауарлар сату бағасымен есепке алынады. Бағдарламаға штрихкод сканерлерін, ТСД, сатып алушы дисплейлерін, электрондық таразыларды, «фискалдық тіркеуіш», «off-line» және «on-line» режимдеріндегі бақылау-кассалық машиналарды қосуға болады. Дүкендердің сату көлемі мен кірістілігін салыстыруға және олардан түсетін түсімнің дұрыстығын бақылауға мүмкіндік бар.
Қойма, ақша қаражаты және өзара есеп айырысу
- көптеген қоймадағы ТМҚ қалдықтарын әртүрлі өлшем бірлігінде басқару;
- меншікті тауарлардың, сатуға қабылданған және берілген тауарлардың, қайтарымды ыдыстың бөлек есебі;
- сериялар мен жарамдылық мерзімдерінің, партия сипаттамаларының (түсі, өлшемі және т.б.) есебі, жиынтықтау және бөлшектеу, ордерлік есеп және резервтеу;
- қорларды ABC- және XYZ-талдау, нашар сатылатын өнімді анықтау;
- ақша қаражатының көпвалюталық есебі, жоспарланған түсімдер мен шығыстарды тіркеу, алдағы төлемдерге резервтеу, төлем күнтізбесі;
- нақты және болжамды берешекті есепке алу — шарттар, шоттар/тапсырыстар немесе есеп айырысу құжаттары бойынша.
Бухгалтерлік және салықтық есеп
- ҚР Қаржы министрінің 2007 жылғы 23 мамырдағы №185 бұйрығына сәйкес келетін шоттар жоспары, қосымша субшоттар мен аналитика құру мүмкіндігі;
- негізгі құралдар мен материалдық емес активтер: түсу, есепке алу, амортизация есептеу, беру, есептен шығару, түгендеу, маусымдық амортизация кестелері;
- жалақы және кадрлар: негізгі жұмыс орны және қоса атқару бойынша есеп, жалақы есептеу, атқару парақтары бойынша есеп айырысу, жалақыдан салықтар мен жарналар;
- өндіріс: негізгі және қосалқы өндіріс өнімінің өзіндік құнын есептеу, жартылай фабрикаттар есебі, жанама шығындарды үлестірудің түрлі әдістері;
- ҚҚС: бөлек және пропорционалды әдістер, резидент еместердің қызметтері бойынша ҚҚС, 300.00 нысанын автоматты толтыру, бірлескен қызмет туралы шарттар бойынша шот-фактуралар;
- жалпыға бірдей белгіленген тәртіп пен оңайлатылған декларация негізіндегі арнаулы салық режимі, КТС бойынша арнайы салықтық шоттар жоспары, уақытша айырмаларды балансты әдіспен есепке алу;
- бөлек балансқа шығарылмаған құрылымдық бөлімшелер бойынша есеп, олардың арасындағы деректерді «Авизо по прочим операциям» құжатымен беру.
Есептілік және талдау
- регламенттелген есептілік: бухгалтерлік есептілік нысандары, салық декларациялары, статистика органдарына арналған есептер; салық есептілігін XML форматына экспорттау;
- кез келген қимада қажетті егжей-тегжеймен баптауға болатын есептер, жеке баптауларды сақтау;
- «Рапорт руководителю» механизмі — кәсіпорынның ағымдағы жағдайы туралы есепті белгіленген кесте бойынша электрондық поштамен жіберу немесе интранетте жариялау;
- кіріктірілген электрондық пошта, деректерді өзгертусіз тек қарауға мүмкіндік беретін «Только просмотр» рөлі.
Аумақтық үлестірілген жүйелер
«1С:Предприятие 8» платформасындағы үлестірілген ақпараттық базаларды басқару механизмі аумақтық жағынан бөлек орналасқан базаларды көп деңгейлі иерархиялық құрылымға біріктіреді. Соның арқасында конфигурация негізінде желілік және холдингтік кәсіпорындарға арналған шешімдер құруға болады.
